Klabu ya Simba inaendelea na mchakato wa kusaka kocha mpya baada ya kumtimua Patrick Aussems wiki iliyopita
Makocha wengi wamehusishwa na nafasi hiyo, ambayo kwa hadhi ya Simba ya sasa, ni heshima kubwa kuwa kocha wa mabingwa hao wa nchi
Jina la Beston Chambeshi raia wa Zambia ni miongoni mwa majina yanayotajwa sana kuwa mbioni kurithi mikoba ya Aussems
Baadhi ya vyombo vya habari nchini Zambia vimeripoti kuwa klabu ya Simba imefanya mazungumzo na kocha huyo ambaye kwa sasa anainoa timu ya Taifa ya Zambia U23
Kocha huyo mwenye umri wa miaka 59 pia amewahi kuzinoa timu za Power Dynamo na Nkana Fc
Ndiye aliyekuwa mkufunzi wa kikosi cha Nkana ambacho kiliondoshwa na Simba kwenye michuano ya ligi ya mabingwa msimu uliopita
Chambeshi hupendelea zaidi kutumia mfumo wa 4-2-3-1, ni muumini wa soka la kumiliki mpira na kushambulia kwa kasi
