Jana Bodi ya Wakurugenzi ya klabu ya Simba ilichukua uamuzi mgumu wa kumfuta kazi aliyekuwa kocha Mkuu Patrick Aussems ambaye amedumu Msimbazi kwa msimu mmoja na miezi kadhaa
Aussems ameiongoza Simba kuanzia msimu uliopita, ambapo mafanikio makubwa aliyopata ni kutetea ubingwa wa ligi kuu pamoja na kutinga hatua ya robo fainali michuano ya ligi ya mabingwa
Katika Ligi Kuu ya Tanzania Bara Aussems ameiongoza Simba katika michezo 48, ameshinda mechi 37, ametoka sare mechi saba na kufungwa mechi nne tu
Katika michezo hiyo Simba ilifunga mabao 96, kufungwa mabao 18 ikijikusanyia pointi 118
Ameweka rekodi ya wastani wa ushindi wa asilimia 77 (win rate 77%)
Katika michuano ya ligi ya mabingwa, Aussems aliiongoza Simba kwenye mechi 14, ameshinda sita, amepoteza tano na sare tatu
Katika michuano hiyo Simba imefunga mabao 20, imefungwa mabao 22 ikijikusanyia jumla ya alama 21
Kwa michuano ya ligi ya mabingwa, Aussems ameweka rekodi ya wastani wa ushindi wa asilimia 42 (win rate 42%)
Pia chini yake Simba ilishiriki michuano mingine kama kombe la Mapinduzi (alifika fainali), Ngao ya Jamii (alishinda mara mbili) na kombe la FA (alitolewa raundi ya kwanza)
Kwa ujumla Aussems aliiongoza Simba katika michezo 63, akishinda mechi 43, akifungwa mechi 10 na kutoka sare mechi 10
Wastani wa ushindi ni asilimia 68 (win rate 68%)
