Jana ilikuwa siku ya furaha kwa mashabiki wa Bondia Mwanamsimbazi Hassan Mwakinyo ambaye alimpiga kwa pointi mpinzani wake Arnel Tinampay kutoka Ufilipino katika pambano la raundi 10 lililopigwa uwanja wa Uhuru
Hata hivyo imekuwa huzuni kwa baadhi ya mashabiki ambao walisafiri kutoka jijini Tanga kumuunga mkono Mwakinyo baada ya kupata ajali usiku wakati wakirejea Tanga
Ajali hiyo imetokea eneo la Kerege wilayani Bagamoyo, ambapo mashabiki hao waliotumia basi la Coastal Union, lililogongana na lori
Taarifa iliyotolewa na Msemaji wa Coastal Union Hafidh Kido imewataja waliofariki kuwa ni Ibrahim Omar na Hussen Saleh ambapo uongozi wa Coastal kwa kushirikiana na ndugu zao, wanafanya taratibu za kuwasafirisha kwenda Tanga kwaajili ya maziko
Hadi sasa miili ya marehemu imehifadhiwa katika Hospitali ya Wilaya ya Bagamoyo na majeruhi wanaendelea kupatiwa matibabu katika hospitali hiyo.
"Majeruhi walikuwa wanane, mmoja hali yake ilibadilika amepelekwa Hospitali ya Taifa Muhimbili, na mwingine tumemkuta hapa anaitwa Aziza, ambaye ni Mwenyekiti wa Serikali ya Mtaa wa Kwakaheza mkoani Tanga. Abiria wengine tayari wamerejea Tanga wakiwa pamoja na dereva wa gari letu," imeeleza taarifa ya Kido
Tunawapa pole majeruhi, Mwenye ez Mungu awaponye haraka ili waweze kurejea katika majukumu yao
Mwenye ez Mungu awalaze mahali Pema marehemu wote, AMEN..
