Mshambuliaji hatari wa Simba Miraji Athumani amefichua kuwa kilicho nyuma ya mabao yake ni kivuli cha nahodha, John Bocco pamoja na Meddie Kagere ambao wamekuwa wakimpa hasira ya kutafuta mafanikio.
Miraji maarufu 'Sheva' kwa sasa ametupia jumla ya mabao sita ndani ya Ligi Kuu Bara katika kikosi hicho ambacho kipo kileleni mwa msimamo wa Ligi Kuu Bara kikikusanya pointi 25 baada ya mechi 10.
Sheva amesema kuwa anafurahi kuona anaaminiwa na benchi la ufundi na kuahidi kufunga kila anapopata nafasi.
"Nimekuwa ni mwanafunzi kwa Kagere na Bocco kutokana na uwezo wao walionao, Bocco licha ya kwamba hachezi amekuwa akinipa maneno ambayo yananiongezea hasira ya kupambana nikiwa ndani ya uwanja.
"Kwa upande wa Kagere yeye ni mchezaji wa tofauti na mfano wa kuigwa, ninaamini nitazidi kufunga kila ninapopata nafasi kutokana na ushirikiano uliopo, mashabiki wazidi kutupa sapoti kwani kazi bado ni ngumu," amesema
Straika huyo anayevaa jezi namba 21 ndani ya kikosi hicho amefunga mabao matatu kati ya sita kwa kichwa, mawili kwa mguu wa kushoto na moja kwa kulia kuonyesha ni straika mwenye uwezo wa kutumia kila kiungo chake.
Simba inafikisha jumla ya pointi 25 ikiwa nafasi ya kwanza baada ya kucheza mechi 10 kwenye Ligi Kuu Bara ikiwa imefungwa mechi moja mbele ya Mwadui FC na imelazimisha sare mbele ya Tanzania Prisons.
SportXtra
