Mo awakaribisha wadau Bunju Disemba 07

Mwekezaji wa klabu ya Simba Bilionea Mohammed Dewji 'Mo' amekaribisha wadau wa soka nchini kushuhudia uzinduzi wa viwanja vya kisasa vya mazoezi klabu ya Simba

Mo amethibitisha kuwa ujenzi wa viwanja hivyo umekamilika na Disemba 07 itafanyika hafla ya uzinduzi

"Wala usiumize kichwa katika swala la Bunju. Tayari kimekamilika! Karibuni wote Bunju tarehe 7 Desemba," Mo ameandika kwenye ukurasa wake wa mtandao wa Instagram

Disemba 07 Simba inakwenda kuandika historia kwa kumiliki viwanja vyake kwa ajili ya mazoezi

Huo ukiwa ni mwanzo wa mambo makubwa zaidi yatakayofanyika huko Bunju

Mpango wa pili wa ujenzi utahusisha uwekwaji wa majukwaa na Hostel kwa ajili ya wachezaji

Inaelezwa mpango huo utawashirikisha Wanamsimbazi wote