Kapombe aanza mazoezi

Hatimaye mlinzi wa kulia wa Simba Shomari Kapombe ameanza mazoezi na kikosi cha Simba baada ya kuwa nje kwa zaidi ya miezi mitano kutokana na majeruhi.

Kapombe aliumia jijini Mwanza akiitumikia timu ya taifa ya Tanzania ‘Taifa Stars’ iliyokuwa ikiwania kufuzu fainali za mataifa ya Afrika kwa wachezaji wa ndani CHAN, hiyo ikiwa katika mchezo dhidi ya timu ya taifa ya Rwanda ‘Amavubi’.

Hata hivyo huenda Kapombe akahitaji muda zaidi ya kujiweka timamu kabla hajaanza kutumika.

Mbali na Kapombe, beki mpya Asante Kwasi naye amejumuishwa kwenye mazoezi ya kikosi cha Simba kwa mara ya kwanza na huenda akatumika kwenye mchezo wa leo Simba itakapoivaa Mwenge saa kumi jioni.