Kilimanjaro Queens uso kwa uso dhidi ya Kenya, fainali Chalenji

Timu ya Taifa ya Wanawake Tanzania Bara, Kilimanjaro Queens leo itashuka uwanja wa Azam Complex, Chamazi kuikabili Kenya kwenye mchezo wa fainali michuano ya CECAFA Senior Women Challenge

Kilimanjaro Queens ni mabingwa watetezi wa michuano hiyo ambayo walitwaa taji mwaka 2016 ilipofanyika nchini Kenya wakiwafunga wenyeji wao Kenya kwa mabao 2-1

Mchezo wa leo ni kama marudio ya fainali hiyo lakini sasa Kilimanjaro Queens wakiwa wenyeji

Mchezo huo unatarajiwa kuwa mkali kutokana na uimara wa vikosi vyote

Lakini matumaini ni makubwa Kilimanjaro Queens watatutoa kimasomaso Watanzania kwa kulibakisha kombe hilo nyumbani