Kocha Mkuu wa Singida United Nsanzurwimo Ramadhani ameonyesha nia kumtaka kwa mkopo kiungo wa Simba Said Khamis Ndemla ambaye amekosa nafasi kwenye kikosi cha kwanza cha mabingwa hao wa nchi
Singida United imekuwa na wakati mgumu msimu huu, inaburuza mkia kwenye msimamo wa ligi, ikiwa imejikusanyia alama nne tu
Nsanzurwimo amesema wamedhamiria kuhakikisha wanaibakisha timu hiyo ligi kuu hivyo watatumia usajili wa dirisha dogo kusajili nyota wenye uwezo
Hata hivyo changamoto za kiuchumi zilizoikumba timu hiyo huenda zikawafanya washindwe kuipata huduma ya Ndemla kutokana na masharti yaliyowekwa na Simba kwa timu zinazowataka wachezaji wake kwa mkopo
Hivi karibuni Mtendaji wa Mkuu wa Simba Senzo Mazingisa alisema timu yoyote inayomtaka mchezaji wa Simba kwa mkopo lazima ithibitishe kuwa na uwezo wa kumlipa mshahara wake anaolipwa Simba kwa muda wote atakaoichezea timu hiyo
Alisisitiza Simba haitakuwa tayari kuingia gharama ya kulipa mishahara ya wachezaji ambao wanazichezea timu nyingine kwa mkopo
Klabu ya KMC nayo inamuwania kwa mkopo winga Rashid Juma
