Kocha Mkuu wa Simba Patrick Aussems amethibitisha kuwa ni kweli hayuko nchini akishughulikia masuala binfasi
Amesema kesho Jumatano atarajea kuendelea kukiandaa kikosi chake kuelekea mchezo wa ligi kuu dhidi ya Ruvu Shooting
Mchezo huo utapigwa Jumapili Novemba 24 kwenye uwanja wa Uhuru
"Nimelazimika kuondoka kwa siku mbili kushughulikia masuala binafsi. Nitakuwepo kesho (Jumatano) kuiandaa timu kwa ajili ya mchezo dhidi ya Ruvu Shooting. Malengo yetu ni kushinda mchezo huo," amesema Aussems
Taarifa za Aussems kuondoka nchini zilianza kusambaa jana baada ya Mbelgiji huyo kukosekana kwenye mazoezi ya asubuhi
Kukosekana kwake kuliongeza sintofahamu juu ya hatma yake kwani zipo tetesi kuwa kuna jambo linaendelea baina yake na uongozi wa Simba kuhusu hatma yake
Lakini wakati huohuo watu wake wa karibu wanadai kuwa nae ameamua kuweka sawa mipango yake ikitokea ametimuliwa Simba
Nkana Fc na AS Vita zinatajwa kuvutiwa na Aussems ambaye msimu uliopita aliifikisha Simba robo fainali ya michuano ya ligi ya mabingwa barani Afrika
