Mtendaji Mkuu wa Simba Senzo Mazingiza ameeleza sababu ya kuondoka ghafla kwa kocha mkuu wa timu hiyo Patrick Aussems
Aussems jana hakuonekana kwenye mazoezi ya kikosi cha Simba yaliyofanyika uwanja wa Ghymkhana hali iliyoibua sintofahamu miongoni mwa mashabiki wa Simba na wadau wa soka nchini
Senzo amesema Aussems aliomba ruhusa ya siku tatu ili akashughulikie masuala binafsi hivyo wanatarajia atarejea baada ya muda huo
"Kocha alituomba tumpe ruhusa ya siku tatu aende akashughulikie masuala binafsi, hivyo tunatarajia atarejea baada ya muda huo," alisema
Hata hivyo Senzo amekiri kuwa suala hilo limekuja ghafla kwani Aussems alipiga simu kuwataarifu wakati akiwa uwanja wa ndege
Awali uongozi wa Simba haukuwa na taarifa juu ya udhuru huo
Mazoezi ya jana yalisimamiwa na kocha Msaidizi Denis Kitambi, ataendelea na jukumu hilo mpaka pale Aussems atakaporejea
