Simba yaendelea na mawindo ya Ruvu Shooting

Kikosi cha Simba leo asubuhi kimeendelea na mazoezi kujiandaa na mchezo wa ligi kuu dhidi ya Ruvu Shooting

Mchezo huo utapigwa Jumapili ijayo, Novemba 24 uwanja wa Uhuru

Simba imejifua uwanja wa Gymkhana huku ikiwakosa baadhi ya nyota wake wanaokabiliwa na majukumu ya timu za Taifa

Hata hivyo kocha msaidizi Denis Kitambi amesema wachezaji waliopo wanaendelea vyema na program za mazoezi

Tayari Ruvu Shooting kupitia msemaji wao Masau Bwire wameanza tambo

Juzi wakati akihojiwa na waandishi wa habari, Bwire alisema timu yao imedhamiria kushinda mechi zote dhidi ya timu zilizomaliza nafasi nne za juu msimu uliopita na kupata nafasi ya kushiriki michuano ya CAF

Ruvu Shooting tayari imezifunga Yanga, KMC na Azam Fc