Mabingwa wa soka Tanzania Bara Simba baadae leo Jumamosi, watashuka uwanja wa Azam Complex, Chamazi kucheza na KMC ukiwa ni mchezo wa kirafiki
Mchezo huo utakaopigwa kuanzia saa mbili usiku, hautakuwa na kiingilio
Ni sehemu ya maandalizi ya timu zote kuelekea michezo ya ligi ambayo kwa sasa imesimama kupisha michuano ya Kimataifa
Kocha Mkuu wa Simba Patrick Aussems amesema mchezo huo utawasaidia wachezaji wake kubaki katika hali ya ushindani wakati huu ambao ligi imesimama
"Tuna mchezo wa ligi Novemba 24 (dhidi ya Ruvu Shooting), mchezo huu utawasaidia kuendelea kubaki katika hali ya ushindani. Nafikiri tutawapa nafasi wachezaji wote waliobaki kikosini," amesema
Katika mchezo huo Simba itawakosa nyota wake tisa ambao wako timu za taifa
Utakuwa mbashara kupitia Azam Sport 2
