Moja ya changamoto ambayo inaikabili Simba ni uchache wa wachezaji baada ya nyota wengi kuitwa timu za Taifa
Simba imetoa wachezaji 10 timu za Taifa, saba Tanzania, wengine wakiitwa Zambia, Sudan na Rwanda
Kocha Mkuu wa Simba Patrick Aussems amesema wanalazimika kuendelea na program za mazoezi licha ya kuwa na wachezaji wachache
Aussems amesema lazima wachezaji wote wawe tayari kukabiliana na ushindani wa ligi ambao umeongezeka msimu huu
"Kuna ushindani mkubwa wa ligi kwa sasa na kila mmoja anapambana kufanya vema, licha ya wachezaji wangu baadhi yao kuitwa timu za taifa bado tutaendelea na maandalizi," amesema
Simba imerejea mazoezini jana baada ya mapumziko ya siku tatu
Imeanza kujifua ikiwa na wachezaji 16 ambao baadhi ya wachezaji wa timu ya vijana wanatarajiwa kujumuishwa kwenye kikosi cha kwanza
