Baada ya mapumziko ya siku tatu, kikosi cha Simba kimerejea mazoezi leo kuendelea na maandalizi ya mchezo unaofuata wa ligi kuu ambao ni dhidi ya Ruvu Shooting
Mchezo huo utapigwa Novemba 24 katika uwanja wa Uhuru
Hata hivyo Simba inawakosa wachezaji wake 10 ambao wanakabiliwa na majukumu ya timu za Taifa
Ili kuhakikisha program za mazoezi zinakamilika kama zilivyopangwa, Meneja wa Simba Patrick Rweyemamu amesema nyota wengine wa timu ya vijana watajumuishwa kikosi cha kwanza
Baada ya kupunguzwa kasi mchezo uliopita, vinara hao wa ligi kuu wamedhamiria kurejea kivingine mechi dhidi ya Ruvu Shooting
Simba inasimama kileleni mwa msimamo wa ligi ikiwa imejikusanyia alama 22 baada ya kushuka dimbani mara tisa
Imefunga mabao mengi zaidi kuliko timu nyingine (16) na imefungwa mabao machache zaidi (3)
Kinara wa kuzifumania nyavu ni Meddie Kagere aliyetupia mabao manane mpaka sasa
