KMC yatangaza kumfuta kazi Mayanja

Klabu ya KMC imetangaza kumfuta kazi aliyekuwa kocha wake Mkuu Jackson Mayanja baada ya mfululizo wa matokeo mabaya

Mayanja aliyewahi kuwa kocha Msaidizi wa Simba wakati wa Joseph Omog, ametimuliwa ndani ya saa 24 baada ya timu hiyo kuchapwa mabao 2-1 na Kagera Sugar

Anakuwa kocha wa pili wa timu ya Ligi Kuu kutimuliwa wiki hii baada ya Yanga kumtimua Zahera mapema

Mayanja ameitumikia KMC kwa miezi minne tu

Aliiongoza timu hiyo kwenye michuano ya kombe la Shirikisho ikitolewa hatua ya awali na AS Kigali

Kwenye ligi KMC imejikusanyia alama nane tu baada ya kucheza mechi nane