Baadhi ya mashabiki wa Simba wameonyesha kuchukizwa na matokeo ya suluhu ya bila kufungana ambayo Simba ilipata jana dhidi ya Prisons
Simba haikuwa na mchezo mzuri sana hasa kipindi cha kwanza, ambapo pamoja na kumiliki mpira kwa muda mwingi wachezaji hawakuwa na uharaka katika kushambulia
Aidha ni mchezo ambao Simba wangeweza hata kufungwa kama Prisons waliokuwa hatari kwenye mashambulizi ya kushitukiza wangekuwa makini
Kocha Mkuu wa Simba Patrick Aussems, alisema pamoja na makosa machache yaliyofanywa na wachezaji wake, Prisons nao wanastahili pongezi kwa kuwa walicheza vizuri
Alisema mpira wa miguu ndivyo ulivyo, kuna wakati unaweza kukutana na changamoto za aina tafauti ambazo kimsingi zitakusaidia kujiboresha zaidi
Nadhani ni vyema mashabiki tukakubali kuwa nyakati hazifanani, wakati mwingine mambo yanaweza kwenda kinyume na vile tunavyotarajia
Ni kikosi hikihiki kimepata ushindi katika michezo iliyipita, kutopata ushindi jana ilikuwa bahati mbaya
Pia kuidharau Tanzania Prisons ambayo msimu huu bado haijafungwa, sio sahihi
Pengine mchezo wa jana ulizikutanisha timu mbili ambazo zimekamilika maeneo tofauti
Safu ya ushambuliaji ya Simba ilikutana na safu bora zaidi ya ulinzi kwenye ligi mpaka sasa
Aussems ameyaona mapungufu ya timu yake, bila shaka atatumia kipindi cha mapumziko ya michuano ya Kimataifa kufanya maboresho
