Simba yasaka ushindi muhimu dhidi ya Prisons leo

Mabingwa wa soka Tanzania Bara Simba leo wanaendelea na kampeni ya kusaka ubingwa wa tatu mfululizo watakapo-wakabili Tanzania Prisons katika mchezo utakaopigwa uwanja wa Uhuru jioni

Simba ndio vinara wa ligi wakijikusanyia alama 21 baada ya kushuka dimbani mara nane

Kocha Mkuu wa Simba Patrick Aussems amesema wamejiandaa kikamilifu, wakiwa na malengo ya kuendeleza wimbi la ushindi ili kujiweka katika mazingira mazuri ya kutetea ubingwa

Aidha hakuna majeruhi wapya, hivyo Aussems atakuwa na kikosi chake kamili

Afisa Habari wa Simba Haji Manara amewataka mashabiki kujitokeza kwa wingi kuiunga mkono timu yao katika mchezo ambao utapigwa kuanzia saa kumi kamili jioni