Yanga imetangaza kumfukuza kocha wake Mwinyi Zahera pamoja na kuvunja benchi lote la ufundi baada ya mfululizo wa matokeo mabaya
Zahera amedumu katika timu hiyo kwa msimu mmoja tu
Juzi Yanga ilifumuliwa mabao 3-0 na Pyramids Fc kwenye mchezo wa kombe la Shirikisho na kutolewa kwenye michuano hiyo kwa kufungwa jumla ya mabao 5-1
Matokeo hayo pamoja na mwenendo wa kusuasua wa timu hiyo kwenye ligi, umechangia Mcongomani huyo kutimuliwa
Huu ni utamaduni wa vilabu hivi vikongwe, suala la matokeo ni hitaji namba moja
Haji Manara, Msemaji wa Simba aliwahi kumtabiria kocha huyo kuwa Msimu huu hatamaliza na atakuwa na bahati kama hawatamuondoa kwa kumcharaza viboko
Siku za karibuni mashabiki wa Yanga walionyesha hasira zao kwa kocha huyo mzungumzaji sana ambapo mkoani Mwanza baada kufungwa na Pyramids Fc, mashabiki walimpopoa kwa mawe na chupa za maji
Charles Mkwasa ameteuliwa kuwa kocha wa muda wa timu hiyo
Wakati wao wakifukuzana, Simba inaendelea kutakata hesabu zikiwa sawa kuelekea ubingwa wa tatu mfululizo
