Mvua zachelewesha kukamilika kwa uwanja Bunju

Awali klabu ya Simba ilitangaza kuanza matumizi ya viwanja vyake Bunju mwishoni mwa mwezi uliopita, hata hivyo imefahamika kuwa changamoto za mvua zinazoendelea kunyesha jijini Dar es salaam, imevuruga mipango hiyo

Mwenyekiti wa Bodi ya Wakurugenzi Mohammed Dewji 'Mo', amesema walilazimika kusimamisha ujenzi kwa muda kutokana na mvua hizo

Hata hivyo amesema ujenzi uko mwishoni hivyo baada ya mvua kusimama zoezi hilo litakamilishwa

Amesema Simba imedhamiria kuhamia Bunju haraka iwezekanavyo ili kuepuka gharama za kukodi viwanja

Habari njema zaidi ni kuwa uzinduzi wa viwanja hivyo huenda ukafanywa na Rais wa Jamhuri ya Muungano wa Tanzania Mh Dk John Magufuli

Mo amesema watamualika Rais Magufuli kuzindua viwanja hivyo ujenzi ukikamilika