Nahodha wa Simba John Bocco anaweza kujumuishwa kwenye kikosi cha timu hiyo ambacho kesho Jumapili kitashuka uwanja wa Uhuru kuikabili Mbeya City kwenye mchezo wa ligi kuu
Baada ya kuwa nje kwa zaidi ya miezi miwili akiuguza majeraha, jana Bocco aliweza kufanya mazoezi ya timu
Aidha, walinzi Shomari Kapombe na Mohammed Hussein nao waliweza kushiriki mazoezi hayo baada ya kukosekana kwa wiki kadhaa wakisumbuliwa na majeraha
Mabingwa hao watetezi wamepania kuibuka na ushindi mnono dhidi ya Mbeya City baada ya kupoteza mchezo uliopita dhidi ya Mwadui Fc
Jana Simba ilifanya mazoezi uwanja wa Ghymkhana, wakirejea kwenye majukumu baada ya mapumziko ya siku moja
ADVERTISE HERE
