Kocha Mkuu wa Simba Patrick Aussems amewapa wachezaji wake mapumziko ya siku moja kabla ya kuendelea na maandalizi ya michezo ya ligi kuu ya Vodacom inayofuata
Simba imerejea kutoka mkoani Shinyanga mapema leo ambako jana ilipoteza mchezo wa kwanza msimu huu kwa kufungwa na Mwadui Fc bao 1-0
Baada ya mapumziko hayo Simba itajiwinda na michezo inayofuata ambayo ni dhidi ya Tanzania Prisons na Mbeya City
Akizungumza baada ya kuwasili kutoka Sinyanga, Aussems amesema kipigo kimewakumbusha kuwa wanahitaji kujiimarisha zaidi
Amesema kupoteza mchezo dhidi ya Mwadui ni ishara kwamba ligi haitakuwa nyepesi, wanahitaji kujipanga ili kufanya vizuri kwenye michezo yote
"Pamoja na changamoto ya uwanja, kuna makosa yalifanyika yaliyosababisha kushindwa kupata pointi tatu kama malengo yetu yalivyokuwa na tumepanga kurekebisha hayo ili kuimarika katika mechi zinazofuata.
"Matokeo ya jana yameonyesha kuwa ligi inaushindani wa kutosha, ambao kila timu iliyojipanga inaweza kupata ushindi," alisema Aussems.
