Kocha Mkuu wa Mwadui Fc Khalid Adam ametamba kuwa timu yake leo imejiandaa kupata ushindi dhidi ya 'Mnyama' Simba ambaye mpaka sasa ameendelea kugawa dozi kwa kila aliyekutana nae
Mwadui Fc na Simba zitachuana baadae leo katika mchezo utakaopigwa uwanja wa CCM Kambarage
Simba iko Shinyanga tangu juzi, jana ikijifua kwenye uwanja huo tayari kwa mchezo wa leo
"Tunaijua Simba, tunajua wachezaji wake wanavyocheza, tumejiandaa kuwashangaza, tumepanga kuisimamisha, tunawaomba mashabiki wetu wajitokeze kutushangilia katika mechi hii," ametamba Khalid
Pamoja na tambo za kocha huyo, Mkufunzi wa Simba Patrick Aussems, kama ilivyo kawaida yake hakuwa na maneno mengi zaidi ya kusema wako tayari kwa mchezo na baada ya dakika tisini mshindi atakuwa amepatikana
"Tunaamini mchezo utakuwa mzuri, lakini wenye changamoto na ushindani, hakuna mechi rahisi, timu zote zinajiandaa kusaka matokeo mazuri, na wachezaji wanajua ni nafasi yao ya kujitangaza na kuonyesha wanaweza"
