Kocha Mkuu wa Simba Patrick Aussems kesho Jumatano atakiongoza kikosi chake kwenye mchezo wa ligi kuu dhidi ya Mwadui Fc ambao utapigwa uwanja wa CCM Kambarage
Baada ya kushinda mechi ya sita mfululizo dhidi ya Singida United juzi, Aussems amesema wamejiandaa kupata ushindi licha ya changamoto ya uwanja
"Mchezo wa Singida United haukuwa rahisi kwetu tofauti na matarajio ya wengi kutokana na mazingira magumu ya uwanja"
"Nafurahi wachezaji wangu waliweza kupata ushindi na wameonyesha kuzoea kucheza katika viwanja vyenye changamoto"
"Mchezo dhidi ya Mwadui Fc hautakuwa na tofauti, tunafahamu jinsi uwanja ulivyo. Tumejiandaa vyema kuweza kushinda mchezo huo," amesema
Simba ilitua Shinyanga jana leo ikifanya mazoezi ya mwisho kuelekea mchezo huo
Msimu uliopita Simba iliondoka na ushindi wa mabao 3-1 katika uwanja huo
