Simba imejipanga kuongeza mahudhuria ya mashabiki

Mwenyekiti wa Bodi ya Wakurugenzi ya klabu ya Simba Mohammed Dewji 'Mo' amesema kuwa walijiwekea mkakati wa kuongeza mahudhurio ya mashabiki katika michezo ya klabu hiyo

Mo amebainisha kuwa tangu kuanza mpango huo kumekuwa na mafanikio, hata hivyo amesema zoezi hilo bado linaendelea

"Moja ya majukumu ambayo Bodi ya Wakurugenzi tumejiwekea ni kuangalia namna ya kuongeza ushiriki na mahudhurio ya mashabiki wa Simba kwenye mechi zetu, na kuzidisha zaidi wigo wa mashabiki"

"Nafurahi kutamka kwamba kidogo tumeanza kufanikiwa, lakini bado hatujafikia shabaha yetu," amesema Mo