Simba kuanzisha mfumo wa kuandikisha Wanachama kidigitali

Uongozi wa klabu ya Simba uko mbioni kuzindua mfumo mpya wa kisasa wa uandikishaji wa washabiki na Wanachama

Mfumo huo wa Kidigitali utazinduliwa mkoani Dodoma baada ya taratibu zote kukamilika

Akizungumza katika uzinduzi wa Tawi la Simba Makao Makuu mkoani Dodoma jana, Msemaji wa klabu ya Simba Haji Manara alisema mfumo huo utakuwa na faida kubwa kwa wanachama na wapenzi wa Simba

Amesema mfumo utawawezesha Wanachama walioandikishwa kupatiwa kadi za kidigitali ambazo watazitumia kama zile za kibenki kufanya manunuzi mbalimbali

Aidha Manara amesema kupitia mfumo huo, Simba itakuwa na uhakika wa kukusanya ada za Wanachama wake kwa urahisi zaidi