Wakati jana Simba ikiendeleza umwamba wake kwenye ligi kuu baada ya kuichapa Singida United bao 1-0, hali ilikuwa tofauti kwa Azam Fc ambayo inaangaliwa kama timu inayoweza kupimana ubavu na Simba katika mbio za kuwania ubingwa msimu huu
Azam Fc ilikubali kichapo cha bao 1-0 kutoka kwa Ruvu Shooting ukiwa mchezo wa pili mfululizo timu hiyo inapoteza
Mpaka sasa Simba iko juu ya Azam Fc kwa alama tisa!
Pengine msimu huu Simba inaweza kutangaza ubingwa mapema tu kama itaendelea na mwenendo huu wa vipigo mfululizo
Watani zao Yanga hawaonekani kuwa na timu ya ushindani, jana wamechapwa mabao 2-1 na Pyramids Fc katika mchezo uliopigwa CCM Kirumba
Kipigo hicho kimewasogeza karibu na mlango wa kutokea kwenye michuano ya kombe la Shirikisho kwani watahitaji muujiza kushinda nchini Misri
Na watakaporejea kwenye ligi watakuwa na kazi kubwa kwani mpaka sasa Simba iko mbele yao kwa alama 11
