Uongozi wa klabu ya Simba umewapa pole watani zao Yanga baada ya mashabiki wa timu hiyo kutoka jijini Dar es salaam waliokuwa wakielekea mkoani Mwanza kupata ajali wilayani Kibaha
"Tunatuma salamu za pole kwa klabu ya Yanga SC kwa ajali ambayo mashabiki wao wameipata wakati wakiwa njiani kwenda mkoani Mwanza"
"Kwa niaba ya Wanasimba natuma salamu za pole kwa watani wetu, Yanga SC kufuatia mashabiki wao kupata ajali wakielekea Mwanza ambako kesho watacheza mchezo wa Kombe la Shirikisho la Afrika"
"Tunawaombea majeruhi wote wapone haraka ili waendelee na shughuli zao za kuwaletea maendeleo na Taifa kwa ujumla", Mwenyekiti wa Bodi ya Wakurugenzi, Mohammed Dewji
Ajali hiyo ilisababisha majeruhi kadhaa ambao walirudishwa jijini Dar es salaam kutibiwa
