Mtendaji Mkuu wa Simba Senzo Mazingiza amewataka wachezaji na Wafanyakazi wa klabu hiyo kudumisha Nidhamu ili kuiwezesha timu hiyo kufikia malengo yake
Jana Senzo alishiriki katika hafla ya utolewaji zawadi kwa wachezaji wa Simba, ahadi iliyotekelezwa na mwekezaji Bilionea Mohammed Dewji aliyewakabidhi wachezaji Pikipiki, simu za mkononi na Rice Cooker
Akitoa ufafanuzi juu ya tukio la wachezaji Jonas Mkude, Erasto Nyoni, Gadiel Michael na Clatous Chama kupelekewa kwenye kamati ya nidhamu, Senzo alisema suala hilo limemalizika
Senzo alibainisha kuwa alizungumza na wachezaji hao na kufikia muafaka na hivyo hakuna adhabu zaidi
cut"Hakuna mchezaji aliyeadhibiwa bali walisimamishwa kutokana na madai ya utovu wa nidhamu," alisema
"Nilikutana na wachezaji hao na kuzungumza nao mambo yakaisha. Niseme tu, hili si kwa wachezaji pekee kwamba ndiyo wanapaswa kuwa na nidhamu bali kwa wote ili kuisaidia Simba kwenda inavyotakiwa ili mambo yaende kwenye mstari"
Nyota hao walikuwa wakikabiliwa na tuhuma za utovu wa nidhamu baada ya kukosa safari ya kanda ya ziwa mwishoni mwa mwezi wa tisa
Wote walirejeshwa kikosini baada ya kumaliza majukumu ya kuitumikia timu za Taifa
Nyoni, Gadiel na Chama walicheza mchezo uliopita dhidi ya Azam Fc wakati Mkude alikosekana kwa kuwa alikuwa majeruhi
