Kagere afikisha mabao 30 ligi kuu

Mshambuliaji hatari wa Simba Meddie Kagere ambaye msimu tayari amefunga mabao saba kwenye ligi, jumla amefikisha mabao 30

Msimu uliopita Kagere aliibuka mfungaji bora wa ligi akiweka kambani mabao 23 na kuondoka na kiatu cha dhahabu

Kagere ameweka rekodi ya kuwa na uwiano mzuri wa kufunga, akifikisha mabao hayo baada ya kucheza chini ya mechi 40

Msimu huu ameanza na wastani wa kufunga zaidi ya bao moja katika kila mchezo kwani kwenye mecho tano, Kagere amefunga mabao saba

Bado ni mapema lakini wadau wa soka nchini wamemtabiria Kagere kuwa msimu huu huenda akavunja rekodi ya mabao ya msimu mmoja ligi kuu inayoshikiliwa na Mohammed Hussein 'Mmachinga' aliyefunga mabao 26