Beki kiraka Erasto Nyoni amesema ushindi wa bao 1-0 waliopata dhidi ya Azam Fc jana ni matokeo ya kujituma na kutumia vyema nafasi waliyopata
Nyoni aliyekuwa nahodha wa kikosi cha Simba kwenye mchezo huo, aliishuhudia timu yake ikiondoka na alama tatu muhimu baada ya kuibuka na ushindi wa bao la Meddie Kagere 'MK 14'
Nyoni amesema mchezo ulikuwa mgumu kwa kuwa ulikutanisha timu bora zinazotumia mifumo inayofanana
"Sisi tunacheza mpira na Azam nao wanacheza ndio maana mchezo haukuwa mwepesi. Muhimu tulifuata maelekezo ya Mwalimu na tumefanikiwa kushinda," amesema Nyoni
Simba imeendeleza rekodi ya kutopoteza mchezo ikishinda mechi zote tano ilizocheza kwenye ligi
Lakini pia huo ulikuwa ni mchezo wa 16 Simba inacheza bila ya kufungwa tangu wakati wa maandalizi ya msimu nchini Afrika Kusini
