Beki Paschal Wawa amesema mechi tatu za kirafiki walizocheza zinawapa matumaini ya kufanya vizuri dhidi ya Azam FC kwenye mchezo wa ligi kuu utakaopigwa keshokutwa Oktoba 23 uwanja wa Taifa.
Simba ilianza kucheza mchezo wa kwanza dhidi ya Bandari uwanja wa Uhuru ikashinda kwa bao 1-0 kisha ikakwea pipa kuwafuata Mashujaa mkoani Kigoma ikashinda bao 1-0 kabla ya kulazimishwa suluhu ya bila kufungana dhidi ya Aigle Noir ya Burundi
Wawa amesema kuwa namna kikosi kilivyocheza michezo hiyo, wamezidi kuimarika huku wakiweza kufanyia kazi mbinu mbalimbali walizopewa na kocha Patrick Aussems
"Hatuna kingine ambacho tunakifikiria kwa sasa, kikosi kimecheza michezo mingi ya kirafiki jambo ambalo limetufanya tuwe na muunganiko mzuri, ni wakati wetu kuonyesha kile tulichojifunza kwa vitendo katika michezo yetu yote ikiwa ni pamoja na huu dhidi ya Azam FC"
