Azam Fc wamejileta kwa Shiboub uwanja wa Taifa

Azam Fc hawawezi kusahau alichowafanya kiungo fundi Sharaff Elden Shiboub kwenye mchezo wa Ngao ya Jamii August 17 uwanja wa Taifa

Ndio, ulikuwa ni mchezo uliomtambulisha zaidi Shiboub nchini akifunga mabao mawili kwenye ushindi wa mabao 4-2

Kwenye mchezo huo, Shiboub alikuwa tatizo kwa Azam Fc, aina ya uchezaji wake uliwasababishia wakati mgumu Azam Fc

Sasa Jumatano kwa mara nyingine Azam Fc watakutana na Shiboub palepale kwenye uwanja wa Taifa katika mchezo wa ligi kuu

Uongozi wa Simba umethibitisha kuwa mchezo utapigwa kwa Mkapa ukitarajiwa kuanza saa 11 jioni

Simba vinara wa ligi wakiwa wameshinda mechi zote nne walizocheza mpaka sasa, wamepania kuendeleza rekodi ya ushindi kwa asilimia 100