Mshambuliaji wa Simba raia wa Brazil Wilker Da Silva bado hajaweza kuonyesha makali yake kwenye kikosi cha timu hiyo
Jana kocha wa Simba Patrick Aussems alimpa nafasi ya kuanza kwenye kikosi cha kwanza katika mchezo wa kirafiki dhidi ya Aigle Noir ambao ulimalizika kwa suluhu ya bila kufungana
Kama angekuwa makini Wilker angeweza kufunga mabao mawili kwenye mchezo huo
Aussems amewataka mashabiki kutoweka matarajio makubwa kwa mshambuliaji huyo kwani bado hajawa fit kutoka kwenye majeraha yaliyomuweka nje kwa takribani wiki sita
"Wilker anahitaji muda zaidi aweze kuwa fit, wakati huu tusitarajie mambo makubwa sana kutoka kwake," amesema
"Pamoja na ugeni wake kwenye soka la Tanzania, tusisahau alikaa nje muda mrefu akiwa majeruhi"
"Ni mchezaji nzuri, tumpe muda kidogo.."
Wilker aliumia Afrika Kusini wakati Simba ikifanya maandalizi ya msimu mpya
Tangu apone, amekuwa na nafasi ndogo kwenye kikosi cha kwanza
