Pamoja na kuwa na mabeki sita kwenye kikosi chake, kocha Mkuu wa Simba Patrick Aussems ameeleza kufurahishwa na Tairone Da Silva na Paschal Wawa wanapocheza pamoja
Katika michezo mitatu zilizopita ambazo walinzi hao walicheza pamoja, Simba haikuruhusu bao
Aussems amesema hiyo ni ishara kuwa mabeki hao sasa wanaelewana tofuati ilivyokuwa siku za nyuma
"Huwezi kusema wanafanya makosa kwa sababu hadi sasa hatujafungwa bao kwenye mechi ambazo Wawa amecheza na Tairone," amesema Aussems
"Kitu kizuri ni kuwa wanaendelea kucheza kwa kuelewana kwa kadiri siku zinavyokwenda. Lakini siwezi kusema kwamba wao ndiyo wataendelea kucheza kila mara kwa sababu hapa kuna wachezaji sita ambao wana uwezo wa kucheza nafasi zao"
Wawa na Tairone wamecheza pamoja kwenye michezo dhidi ya Kagera Sugar, Biashara United na Bandari Fc
Leo huenda wakacheza tena pamoja katika mchezo wa Kimataifa wa kirafiki dhidi ya Aigle Noir ya Burundi
