Mabingwa wa soka Tanzania Bara Simba leo wanamaliza ziara yao mkoani Kigoma kwa kuwakabili Aigle Noir, mabingwa wa Burundi
Mchezo huo utapigwa saa kumi jioni katika uwanja wa Lake Tanganyika
Simba iliwasili Kigoma Jumapili iliyopita ambapo juzi Jumatatu ikacheza na Mashujaa Fc katika mchezo ambao walifanikiwa kuibuka na ushindi wa bao 1-0
Leo wanatupa karata nyingine dhidi ya mabingwa hao wa Burundi waliosafiri kutoka kwao kwa ajili ya mchezo huo
Katika kipindi hiki cha mapumziko ya michuano ya Kimataifa, Simba ilipanga kucheza mechi tatu a kirafiki, wakiwa wameshinda mechi mbili za awali dhidi ya Bandari Fc na Mashujaa
Baada ya mchezo huo Simba itarejea jijini Dar es salaam kuendelea na maandalizi ya mchezo dhidi ya Azam Fc ambao utapigwa Oktoba 23
