Pamoja na kuondoshwa hatua ya awali ya michuano ya ligi ya mabingwa, Simba imeuanza msimu wa 2019/20 kwa kishindo
Mpaka sasa mabingwa hao wa Tanzania Bara, hawajapoteza mchezo wowote uwe wa kirafiki au wa mashindano
Tangu wakati wa Pre- Season Afrika Kusini, Simba haijafungwa
Wakati wa Pre Season Afrika Kusini ilishinda mechi mbili na kutoka sare mechi mbili
Ikashinda mechi ya Simba Day dhidi ya Power Dynamos ya Zambia, ikaichapa Azam Fc Ngao ya Jamii
Pamoja na kuondolewa na UD Songo Ligi ya mabingwa, Simba haikupoteza mchezo ilitolewa kwa faida ya bao ya ugenini
Imeshinda mechi zote nne za ligi kuu na wakati huu wa mapumziko ya michuano ya Kimataifa, imeshinda mechi zake mbili za kirafiki ikitarajiwa kukamilisha ratiba yake mkoani Kigoma kesho kwa kuumana na Aigle Noir
Je Simba itaweza kumaliza msimu bila kupoteza mchezo?
Ni jambo linalowezekana kwani kikosi cha Patrick Aussems kinazidi kuimarika siku hadi siku
Wachezaji wamekuwa wakipambana kusaka matokeo bila ya kujali ukubwa wa mchezo
