Simba kuwapa burudani wakazi wa Kigoma leo

Wakazi wa Kigoma na maeneo ya jirani leo watapata burudani kutoka kwa mabingwa wa soka Tanzania Bara Simba ambao wako mkoani humo kucheza mechi za kujipima nguvu

Leo Jumatatu saa kumi jioni Simba itashuka uwanja wa Lake Tanganyika kumenyana na wenyeji wao, Mashujaa Fc

Mchezo huo umekuwa gumzo kwenye viunga vya mkoa wa Kigoma na maeneo ya jirani hasa ikizingatiwa unawahusisha mabingwa wa nchi ambao wamejipambanua kwa kuwa na mashabiki kila kona ya nchi

Simba iliwasili mapema jana mkoani Kigoma kwa usafiri wa ndege na jioni kujifua dimba la Lake Tanganyika