Mabingwa wa soka Tanzania Bara Simba wameibuka kidedea kwenye uwanja wa Taifa baada ya kuichapa Bandari Fc bao 1-0 katika mchezo wa Kimataifa wa kirafiki
Pamoja na kutengeneza nafasi za hapa na pale, Simba ililazimika kusubiri mpaka dakika ya 78 kupata bao pekee lililowekwa kambani na Ibrahim Ajib Migomba aliyemalizia kazi nzuri iliyofanywa na Rashid Juma
Juma aliyeingia kipindi cha pili kuchukua nafasi ya Kanda, aliongeza kasi ya mashambulizi ya Simba
Katika mchezo huo kocha Patrick Aussems aliwapa nafasi nyota ambao mara kwa mara hawapati nafasi kwenye kikosi cha kwanza
Kikosi chake pia kilijumuisha nyota wa timu ya vijana ya Simba
Aidha, mshambuliaji Wilker Da Silva alianza, akicheza kwa dakika 45 baadae kutoka kwenye kipindi cha pili kumpisha Said Khamis Ndemla
Baada ya ushindi wa leo, Simba inaelekea mkoani Kigoma ambako keshokutwa itacheza na Mashujaa Fc uwanja wa Lake Tanganyika
Oktoba 16 itacheza na Aigle Noir katika uwanja huo huo mkoani Kigoma
