Kocha Mkuu wa Simba Patrick Aussems amesema michezo mitatu ya kirafiki wanayotarajia kucheza, ataitumua kuwapa nafasi wachezaji ambao wamekosa muda wa kutosha kwenye kikosi cha kwanza
Aussems ambaye kikosi chake Jumamosi kitashuka uwanja wa Taifa kuikabili Bandari Fc, amesema mchezo huo ni sehemu ya mazoezi kwa vijana wake
"Tunawakosa wachezaji saba ambao wako timu za Taifa hivyo sio mchezo ambao tunaweza kuutumia kujiimarisha kimbinu," amesema
"Ni mchezo wa mazoezi ambao nitautumia kuwapa wachezaji wengine nafasi ya kucheza"
Simba imeendelea kujifua uwanja wa Gymkhana hata hivyo mazoezi ya mabingwa hao wa Tanzania Bara yamekuwa yakiathiriwa na mvua zinazoendelea kunyesha jijini Dar es salaam
Aussems amesema hilo linaweza kuwaathiri vijana wake Jumamosi kwani wamekosa muendelezo wa program za mazoezi kutokana na mvua hizo
Baada ya mchezo huo Simba itaelekea mkoani Kigoma, Oktoba 14 ikitarajiwa kucheza na Mashujaa Fc kisha kukamilisha ratiba yake kwa kucheza na Aigle Noir Oktoba 16 hukohuko Kigoma
