Afisa Habari wa Simba Haji Manara amesema klabu hiyo haidaiwi na mchezaji yeyote, na kuwa kinachowakabili baadhi ya wachezaji ni masuala ya utovu wa nidhamu
Mapema jana uongozi wa Simba ulitoa tamko kuhusu sintofahamu inayowakabili wachezaji wake wanne Jonas Mkude, Clatous Chama, Gadiel Michael na Erasto Nyoni
Baadhi ya vyombo vya habari vilizusha kuwa wachezaji hao wamegoma lakini Simba imebainisha kuwa walisimamishwa kwa muda wakisubiri hatma yao baada ya kupelekwa kamati ya Nidhamu kufuatia kukabiliwa na matukio ya utovu wa nidhamu
"Simba haidaiwi hata senti na mchezaji yeyote, sisi tulishavuko huko kitambo," amesema
Aidha Manara amewataka waandishi wa habari kupata taarifa sahihi kutoka kwa uongozi wa Simba badala ya kutunga habari zisizo na ukweli
Hatma ya nyota hao itafahamika baada ya kumaliza majukumu ya timu za Taifa
