Meneja wa klabu ya Simba Patrick Rweyemamu amesema kikosi cha timu hiyo kitaanza kufanya mazoezi katika viwanja vyake Bunju mwishoni mwa mwezi huu
Rweyemamu amesema matengenezo ya viwanja hivyo yako katika hatua za mwisho ambapo hadi kufikia mwishoni mwa mwezi huu au mwanzoni mwa Novemba kila kitu kitakuwa tayari
"Tunategemea kuanza kuvitumia viwanja vyetu mwishoni mwa mwezi huu au mwanzoni mwa Novemba," amesema
"Tuna faida moja, Bunju tutakuwa na viwanja viwili kimoja cha nyasi asili na kingine cha nyasi bandia hiyo itatupunguzia usumbufu na gharama za viwanja vya mazoezi"
"Tunawashukuru wote waliosimamia mchakato huu tangu kupatikana kwa eneo mpaka mwekezaji kukamilisha ujenzi. Ilikuwa ni ndoto ya kila Mwanasimba kuona jambo hili linafanikiwa"
Wakati huohuo Simba imeendelea na mazoezi leo kujiandaa na mchezo wa kirafiki dhidi ya Bandari Fc ambao utapigwa Jumamosi, Oktoba 12 kwenye uwanja wa Taifa
