Ukizungumzia wachezaji waliojijengea heshima kubwa kwenye klabu ya Simba, kiungo Jonas Mkude ni mmoja wapo
Mkude alijiunga na Simba mwaka 2010 akiwa kijana mdogo, na ameendelea kudunda Mitaa ya Msimbazi kwa miaka tisa sasa
Kwa sasa yeye ndio mchezaji aliyedumu Simba kuliko mwingine yeyote
Kazi yake uwanjani inaonekana na kuheshimiwa na mashabiki
Kama asingekuwa mchezaji mzuri, asingekuwa Simba kwa miaka yote hiyo
Lakini nje ya uwanja Mkude amekuwa akikabiliwa na changamoto za hapa na pale
Mara kadhaa ameingia kwenye mvutano na viongozi wa Simba na hata baadhi ya makocha akituhumiwa kuwa mtovu wa nidhamu
Amekuwa hana nafasi ya kudumu timu ya Taifa si kwa sababu sio mchezaji mzuri, makocha wamekuwa wakimuacha wakitoa sababu za aina hiyohiyo
Tukio la hivi karibuni ni mwendelezo wa matukio yanayomchafulia heshima yake
Sina shaka, uongozi wa Simba utatumia busara kumaliza sintofahamu iliyojitokeza.
Lakini umefika wakati Mkude inafaa ajitambue na kuheshimu thamani anayopewa Simba
Haileti picha nzuri kwa mchezaji mwandamizi kama yeye kuingia kwenye mgogoro na uongozi sababu ya masuala madogo
Pia kuwa na nidhamu ya kazi ni jambo ambalo litamnufaisha kwenye maisha yake ya soka
Kwani bado ana muda mrefu wa kucheza soka kutokana na umri wake
