Aliyekuwa Mtendaji Mkuu wa klabu ya Simba Sc Crescentius Magori amekanusha taarifa zinazosambazwa katika mitandao ya kijamii kuhusu wachezaji kadhaa wa klabu ya Simba kudai fedha za usajili
Magori amesema anao ushahidi wa kumbukumbu za malipo yote ya wachezaji hao na ameshangazwa na kituo kimoja cha redio nchini kuwa chanzo cha kusambaza uzushi huo.
Magori amesema atalipeleka suala hilo katika vyombo vya sheria kwa kuwa linamchafua yeye pamoja na klabu ya Simba
Mapema leo kumekuwa na taarifa zinazosambazwa kwenye mitandao ya kijamii zikidai baadhi ya wachezaji wa Simba wamegoma wakishinikiza walipwe fedha za usajili
Wachezaji wanaotajwa kwenye taarifa hiyo ni Jonas Mkude, Clatous Chama, Gadiel Michael na Francis Kahata
Taarifa hiyo imemtuhumu Magori kuwa ndiye aliyekwamisha kukamilika kwa malipo ya wachezaji hao
