Beki wa kushoto wa Simba Gadiel Michael leo ameanza mazoezi na kikosi cha timu ya Taifa ya Tanzania 'Taifa Stars' inayojiandaa na mchezo wa kirafiki dhidi ya Rwanda na mchezo wa marudiano dhidi ya Sudan michuano ya CHAN
Stars imeanza mazoezi leo kwenye uwanja wa Taifa
Gadiel alikosa michezo miwili ya Simba Ligi Kuu kutokana na kuwa majeruhi
Nyota wengine wa Simba walioitwa Stars ni Shomari Kapombe, Mohammed Hussein, Erasto Nyoni, Jonas Mkude, Mzamiru Yassin na Miraji Athumani
Stars itacheza na Rwanda Oktoba 14 nchini Rwanda ukiwa ni mchezo wa kirafiki ambao uko kwenye kalenda ya FIFA
Kisha itaelekea Uganda ambako itacheza na Sudan, mchezo wa marudiano kusaka tiketi ya michuano ya CHAN huku timu hiyo ikiwa iko nyuma kwa bao 1-0 baada ya kupoteza mchezo wa kwanza uliopigwa jijini Dar es salaam
