Kahata amezwa na vita ya namba Simba

Kiungo Francis Kahata alianza maisha yake vyema katika klabu ya Simba, akifunga moja ya mabao kwenye mchezo wa Ngao ya Jamii dhidi ya Azam Fc ambao Simba ilishinda kwa mabao 4-2

Tangu mchezo huo, Kahata amekuwa na wakati mgumu kupata nafasi kwenye kikosi cha kocha Patrick Aussems

Kupona kwa Ibrahim Ajib na kiwango kizuri kinachoonyeshwa na Miraji Athumani, kimebadili upepo kwa kiungo huyo

Hata hivyo Kahata, kiungo wa Kimataifa wa Kenya, bado anahitaji kujituma ili kumshawishi Aussems kuweza kumpa nafasi

Simba ina 'utajiri' mkubwa wa wachezaji mafundi kwenye nafasi anayocheza

Mzamiru Yassin, Sharaff Shiboub, Hassan Dilunga, Ibrahim Ajib na Miraji ni baadhi tu ambao wanafanya vizuri zaidi yake