Mshambuliaji wa Simba Miraji Athumani amesema mafanikio aliyopata kwa kuibuka mchezaji bora wa VPL kwa mwezi Septemba, yamechangiwa na ushirikiano wa wachezaji wenzake Simba
Miraji ametwaa tuzo hiyo sambamba na kocha wake Patrick Aussems aliyetwaa tuzo ya kocha bora
Nyota huyo wa zamani wa Lipuli Fc, amesema amepata faraja kushinda tuzo hiyo, anaamini itamuongezea chachu ya kujituma zaidi
"Nimepata moja ya tuzo ambayo kila mchezaji kwenye Ligi Kuu ana ndoto ya kuipata. Ushirikiano ninaoupata kutoka kwa wachezaji wenzangu umefanikisha hilo," amesema
Miraji ameanza vyema maisha yake katika klabu ya Simba, ambapo mpaka sasa amefunga mabao matatu kwenye ligi
Ubora wake katika klabu ya Simba umempa nafasi ya kuitwa timu ya Taifa ambayo inajiandaa kucheza mechi ya kirafiki dhidi ya Rwanda October 14
