Aussems afurahi kuondoka na alama sita kanda ya ziwa

Kocha Mkuu wa Simba Patrick Aussems amesema matokeo ya ushindi katika michezo miwili waliyocheza Kanda ya ziwa yameongeza kujiamini kwa wachezaji wake

Simba imerejea leo kutoka Mwanza baada ya kukamilisha michezo miwili dhidi ya Kagera Sugar na Biashara United

Aussems amesema ushindi wa mabao 3-0 dhidi ya Kagera Sugar ni matokeo waliyoyahitaji zaidi kwani timu hiyo iliwapa sana usumbufu msimu uliopita

Aidha akizungumzia mabadiliko aliyofanya kwa kikosi chake akiwapa nafasi Kennedy Juma na Said Ndemla kwa mara ya kwanza msimu huu, Aussems amesema yalikuwa ni mabadiliko ya kiufundi ambayo pia yaliangalia mahitaji ya mchezo huo

Amesema wachezaji wote 24 wa kikosi chake watapata nafasi kutegemeana na mahitaji ya mchezo pamoja na utayari wao