Wakati alipoumia nahodha John Bocco kulikuwa na wasiwasi kidogo kuwa pengine safu ya ushambuliaji ya Simba ingeyumba
Bocco aliumia kwenye mchezo wa Ngao ya Jamii dhidi ya Azam Fc na ameendelea kuwa nje akitibiwa
Hata hivyo ujio wa Miraji Athumani umeondoa hofu hiyo
Mabao yake matatu aliyofunga mpaka sasa yanadhihirisha kuwa anamudu kuifanya kazi ya Bocco
Kwa kiwango anachoendelea kuonyesha pengine kinaweza hata kikampa wakati mgumu Bocco atakaporejea kikosini
Meddie Kagere na Miraji mpaka sasa ndio washambuliaji bora wa ligi kuu hadi kufikia raundi hii ya tano
Wakati Kagere akifunga katika kila mchezo, Miraji ameweza kufunga kwenye michezo mitatu
Miraji pia amehusika kumtengenezea Kagere moja ya mabao yake
Wawili hao wamekuwa mwiba mpaka sasa, kwa Miraji anaweza kuwa mbadala sahihi wa Okwi
Bado ni mapema, lakini ni wazi kasi hii waliyoanza nayo itasumbua timu nyingi msimu huu
Pengine huu unaweza ukawa msimu ambao Simba itatoa mfungaji bora wa ligi kuu atakayefunga mabao zaidi ya 30
