Simba yapania kuendeleza rekodi Musoma

Mabingwa wa Tanzania Bara Simba leo wako wilayani Musoma kuendelea kuwapa furaha mashabiki wao watakaivaa Biashara United

Simba imeanza msimu kwa kishindo ikifanikiwa kushinda michezo yote mitatu ya kwanza na kufanikiwa kukaa kileleni mwa msimamo wa ligi

Vijana wa Patrick Aussems waliwasili Musoma mapema jana na jioni kufanya mazoezi katika dimba la Karume

Simba inajivunia uwepo wa mshambuliaji wake Meddie Kagere ambaye mpaka sasa amefunga mabao matano, akifunga kwenye kila mchezo

Meneja wa Simba Patrick Rweyemamu amesema timu iko katika hali nzuri tayari kwa mchezo huo utakaopigwa saa kumi jioni

Ushindi kwenye mchezo huo utaifanya Simba iendelee kujikita kileleni mwa msimamo wa ligi ikifikisha alama 12