Kocha Mkuu wa Kagera Sugar Meckie Mexime ameipongeza klabu ya Simba kwa kuibuka na ushindi wa mabao 3-0 katika mchezo baina ya timu hizo uliopigwa uwanja wa Kaitaba jana
Kabla ya mchezo huo Mexime alikuwa akitamba kuwa ataendeleza umwamba kwa Simba lakini kilichotokea ni kinyume, Simba ikitawala mchezo na kufanya itakavyo
"Nawapongeza Simba kwa kuibuka na ushindi, walicheza vizuri, sisi tulifanya makosa mengi na wao waliyatumia makosa hayo kutuadhibu," Mexime aliwaambia waandishi wa habari baada ya mchezo
"Simba ni timu bora barani Afrika, ukizungumzia timu nne bora, Simba ni miongoni mwao"
"Mchezo huu umepita sasa tunajiandaa na mcheo unaofuata"
Ushindi waliopata Simba jana umerejesha kileleni mwa msimamo wa ligi wakiwa wamefikisha alama tisa wakishinda mechi zote tatu
